Skip to main content

Bahasa Iban 2 : Sekeda Basa Iban Di Rumah Panjai


Basa tu siti ari pekara ti nyeremin pengidup siku-siku. Orang ti bisi basa nya dikumbai beradat. Nyadi tu sekeda basa Iban ti bisi dikemeranka sida kenyau ari kelia.
Dalam pengidup di rumah panjai, adat basa diajar aki ini enggau apai indai ngagai anak sida kenyau ari mit. Anak lelaki diajar bejimat cheremat lebuh ngereja pengawa. Sida mega diajar ngintu pesaka di tanah tauka reta di rumah. Sida diajar siru ngintu pendiau diri. Kelimpah ari nya, anak lelaki diajar bejimat ngena belanja.
Nambahka nya mega, anak lelaki endang nyadi pungka laki rumah panjai. Sida diadang orang ketuai nyaga indu nembiak ari langgar munsuh, penyamun, penchuri lalu ari penusah bukai. Nya alai kelia, anak lelaki endang nadai dipeda sesegau sebelah bilik tauka sadau.
Nyadi anak indu mega diajar siru dalam semua atur pendiau sida. Sida diajar ini seduai indai sida siri enggau igi asi, padi enggau macham pemakai ti datai ari asi. Nambahka nya sida diajar bejimat enggau kain baju. Gari ti dikena endang enda tau enda sepematut enggau pengawa, baka gari kena turun, diau enggau ngabang. Enti temuai datai ke sama indu datai, iya diajar siru bejaku enggau diri sama diri. Kelimpah ari nya sida diajar siru enggau reta pesaka. Sida mega diajar enggau bendar chara meresi ruang bilik. Semua apuk, uras enggau utai kamah mesti dibuai.
Kenyau ari turun menurun, Iban manah bendar basa lebuh bejalai mansa mua orang. Sida enda tau lejah-lejah bejalai tang nyurungka jari ngagai pah ngena jaku baka tu, 'ngadang dulu, aku mansa mua nuan tauka kita'. Enti bisi temuai datai tauka mansa pengkalan tauka kaki tangga, temuai nya dibai niki ke rumah. Temuai nya dilalu duduk sereta dirandau orang ke empu rumah. Baka sarang pinang lalu disediaka, awakka temuai ngilum pinang.
Enti nembiak nitihka orang tuai pegi, sida iya enda manah sekali-kali enggai ngeluan tauka ngemudika perau. Lebuh perau udah sangkai, iya ke ngeluanka perau lalu nerejunka diri nanchang tali perau. Lebuh bebantai enti barang nadai mayuh, orang ke biak endang enda mai orang ke tuai mai utai. Kebuah semua pengawa tu dikereja laban dekaka nama enggau empu basa ti manah.
Kenyau ari kelia, bansa Iban endang bebasa bendar ke orang ti megai rumah, megai umai taun enggau megai menua. Enti bisi pengawa tauka penusah nuntung, runding sida deka ditanya enggau didingaka.
Ketegal ubah pemansang sekeda ari basa tu nyau kurang agi dikemeranka orang Iban. Taja pia, nembiak rebak baru patut bendar neladan orang tuai dalam jalai basa. Adat basa tu tau nyadika teladan sida lebuh begulai enggau orang bukai jemah ke ila.
(Dibali ari Bup Teks B. Iban T.2, DBP; Karang Benedict Sandin, 1966. Tusun Pendiau. Kuching. Borneo Literature Bureau)

Comments

Post a Comment

Popular posts from this blog

Sejarah 2 (Nota Tema 1-Sejarah Asia Tenggara, Timur dan Selatan)

Normal 0 false false false EN-US X-NONE X-NONE PEPERIKSAAN SIJIL TINGGI PERSEKOLAHAN MALAYSIA STPM/S940 940/2 Kertas 2: Sejarah Malaysia, Asia Tenggara, Asia Selatan, dan AsiaTimur, 1800-1963 Bahagian B : Asia Tenggara, Asia Selatan, dan Asia Timur (Myanmar (Burma), Thailand, Laos, Kemboja (Kampuchea), Vietnam, Brunei, Indonesia, Filipina, Singapura,India, Pakistan, Sri Lanka, China, dan Jepun).
Read more

NEGARA PERSEKUTUAN

Malaysia merupakan sebuah negara persekutuan yang berlandaskan perlembagaan bertulis sebagai undang-undang tertinggi. Ia mengamalkan sistem kerajaan persekutuan dan mengandungi 13 buah kerajaan negeri serta Wilayah Persekutuan. Perlembagaan Persekutuan yang wujud pada hari ini adalah berasaskan Perlembagaan Persekutuan Tanah Melayu 1957 dan dipinda pada tahun 1963 untuk membolehkan penyertaan Singapura, Sabah dan Sarawak. Perlembagaan ini mengandungi 181 Perkara yang dibahagikan kepada 14 bahagian. Perlembagaan Persekutuan mempunyai peruntukan seperti kebebasan asasi rakyat, kewarganegaraan, badan perundangan, dan kewangan.
Post a Comment
Read more

AGAMA RASMI

Islam adalah agama rasmi Kerajaan Malaysia seperti yang telah tertakluk dibawah Perlembagaan Negara Malaysia .Perlembagaan mempunyai kedudukan istimewa. Ia merupakan satu-satunya institusi atau sumber perundangan yang tetap dan tertinggi. Pekara berkaitan agama didalam perlembagaan dinyatakan di bawah perkara berikut : Perkara 3 : • Ugama Islam ialah Ugama bagi persekutuan; tetapi agama-agama lain boleh diamalkan dengan aman dan damai di mana-mana bahagian persekutuan. • Dalam tiap-tiap Negeri melainkan negeri-negeri yang tidak mempunyai Raja,kedudukan Raja sebagai Ketua ugama Islam dalam Negerinya secara dan setakat mana yang diakui dan diistiharkan oleh Pelembagaan Negeri itu, segala keistimewaan hak kedaulatan dan kuasa dinikmati olehnya sebagai Ketua Ugama Islam tidaklah tersentuh dan tercatat tetapi tiadklah tersentuh atau tercatat, tetapi dalam apa-apa perbuatan, amalan atau upacara yang dipersetujui oleh Majlis Raja-Raja supaya meliputi seluruh Persekutuan,maka tipa-tiap orang R
Post a Comment
Read more