October 7, 2009, Wednesday
SIBU: Mata pelajar Sejarah deka nyadi siti sabjek ‘wajib’ tauka enda tau enda diambi, ku presiden Gerempung Pengajar Sarawak (STU).Ku Ghani, atur ngeletak sabjek nya mesti diambi, manah bendar laban deka ngujungka bala nembiak rebak baru diatu patriotic sereta taluk agi ngagai menua Malaysia tu.
Kelimpah ari pekara bukai, atur tu mega nangkitr kerembai konsep 1Malaysia, ku Ghani madah ngagai The Borneo Post/Utusan Borneo ba talipaun kemari, lalu mansutka sekeda pemutus ari aum sida (STU) enggau Opis Menteri Pelajar apin lama.
Ghani madah bisi minta atur numbuh Malaysia disengkaum dalam syllabus tauka sukat pelajar sabjek Sejarah nya.
“Enti kitai deka meda bala anak kitai lebih taluk sereta lebih patriotik, kitai enda tau enda ngajar sida pasal pekara tu (numbuhka Malaysia), iya nya sida mesti nemu kemaya (haribulan nyemetak) menua Malaysia ditumbuh,” ku iya.
Nya alai beduduk ari tu, iya mantai peminta awakka syllabus nya, kelimpah ari utai bukai, mesti nyengkaum ‘18-and 20-point Agreement’ ngujungka 16 Sept 1963, udah Sarawak, Sabah, Singapo enggau Serakup Tanah Melayu tauka Persekutuan Tanah Melayu nyadi siti Malaysia.
Semua pekara tu, ku iya deka ngujungka bala rebak baru Malaysia tu diatu mereti sereta nemu agi pasal menua enggau bansa diri.
Lebuh ditanya pasal strategi bilik kelas ke ngasuh sabjek nya ngerindu sereta naritka ati nembiak, Ghani madah mayuh jalai kena sekula ngedang pengerindu nembiak, nyengkaum ngena ICT enggau ‘desktop’ kena mantu dalam pekara pengawa belajar.
Ku iya, sekula ulih ngena slide show tauka filem ngayanka gawa pekara enggau pengawa numbuhka menua Malaysia lalu ngemeranka atur semua raban bansa ngemeranka pengelikun.
Sejarah endang besangkut paut enggau konsep 1Malaysia, ku Ghani. Nya alai semua raban bansa bisi tanggungjawab dalam pemansang Malaysia nyadi siti bansa, siti menua. Ari tu genap raban bansa mesti diberi kelala pemesai tanggung pengawa sida dalam pemansang Malaysia nyadi siti menua merdeka.
“Agi bisi sekeda raban ke nyeliah ari konsep 1Malaysia munyi ke dipadah Perdana Menteri Datuk Seri Najib Tun Razak.
“Sida tu ngemeba runding nembiak kitai laban sida tu ngereja pengawa besakal enggau pekara ti udah diajar di sekula, iya nya sida patut ngemeranka menua lebih ari bansa diri,” ku iya.
Enti bisi diberi kemeran pemesai tanggung pengawa semua raban bansa dalam pemansang Malaysia nyadi siti bansa, pekara nya deka meri pemujur ngagai penyerakup entara raban bansa sereta pengelikun semua rayat Reti nya, semua rayat deka ngemeranka menua lebih ari bansa sida iya empu.
Diambi ari Borneo Post; 7 Oktober, 2009 (Hari Tiga)
SIBU: Mata pelajar Sejarah deka nyadi siti sabjek ‘wajib’ tauka enda tau enda diambi, ku presiden Gerempung Pengajar Sarawak (STU).Ku Ghani, atur ngeletak sabjek nya mesti diambi, manah bendar laban deka ngujungka bala nembiak rebak baru diatu patriotic sereta taluk agi ngagai menua Malaysia tu.
Kelimpah ari pekara bukai, atur tu mega nangkitr kerembai konsep 1Malaysia, ku Ghani madah ngagai The Borneo Post/Utusan Borneo ba talipaun kemari, lalu mansutka sekeda pemutus ari aum sida (STU) enggau Opis Menteri Pelajar apin lama.
Ghani madah bisi minta atur numbuh Malaysia disengkaum dalam syllabus tauka sukat pelajar sabjek Sejarah nya.
“Enti kitai deka meda bala anak kitai lebih taluk sereta lebih patriotik, kitai enda tau enda ngajar sida pasal pekara tu (numbuhka Malaysia), iya nya sida mesti nemu kemaya (haribulan nyemetak) menua Malaysia ditumbuh,” ku iya.
Nya alai beduduk ari tu, iya mantai peminta awakka syllabus nya, kelimpah ari utai bukai, mesti nyengkaum ‘18-and 20-point Agreement’ ngujungka 16 Sept 1963, udah Sarawak, Sabah, Singapo enggau Serakup Tanah Melayu tauka Persekutuan Tanah Melayu nyadi siti Malaysia.
Semua pekara tu, ku iya deka ngujungka bala rebak baru Malaysia tu diatu mereti sereta nemu agi pasal menua enggau bansa diri.
Lebuh ditanya pasal strategi bilik kelas ke ngasuh sabjek nya ngerindu sereta naritka ati nembiak, Ghani madah mayuh jalai kena sekula ngedang pengerindu nembiak, nyengkaum ngena ICT enggau ‘desktop’ kena mantu dalam pekara pengawa belajar.
Ku iya, sekula ulih ngena slide show tauka filem ngayanka gawa pekara enggau pengawa numbuhka menua Malaysia lalu ngemeranka atur semua raban bansa ngemeranka pengelikun.
Sejarah endang besangkut paut enggau konsep 1Malaysia, ku Ghani. Nya alai semua raban bansa bisi tanggungjawab dalam pemansang Malaysia nyadi siti bansa, siti menua. Ari tu genap raban bansa mesti diberi kelala pemesai tanggung pengawa sida dalam pemansang Malaysia nyadi siti menua merdeka.
“Agi bisi sekeda raban ke nyeliah ari konsep 1Malaysia munyi ke dipadah Perdana Menteri Datuk Seri Najib Tun Razak.
“Sida tu ngemeba runding nembiak kitai laban sida tu ngereja pengawa besakal enggau pekara ti udah diajar di sekula, iya nya sida patut ngemeranka menua lebih ari bansa diri,” ku iya.
Enti bisi diberi kemeran pemesai tanggung pengawa semua raban bansa dalam pemansang Malaysia nyadi siti bansa, pekara nya deka meri pemujur ngagai penyerakup entara raban bansa sereta pengelikun semua rayat Reti nya, semua rayat deka ngemeranka menua lebih ari bansa sida iya empu.
Diambi ari Borneo Post; 7 Oktober, 2009 (Hari Tiga)
Bisi Komen kita wai.......?
Comments
Post a Comment