Skip to main content

Bahasa Iban 2 : Sekeda Basa Iban Di Rumah Panjai


Basa tu siti ari pekara ti nyeremin pengidup siku-siku. Orang ti bisi basa nya dikumbai beradat. Nyadi tu sekeda basa Iban ti bisi dikemeranka sida kenyau ari kelia.
Dalam pengidup di rumah panjai, adat basa diajar aki ini enggau apai indai ngagai anak sida kenyau ari mit. Anak lelaki diajar bejimat cheremat lebuh ngereja pengawa. Sida mega diajar ngintu pesaka di tanah tauka reta di rumah. Sida diajar siru ngintu pendiau diri. Kelimpah ari nya, anak lelaki diajar bejimat ngena belanja.
Nambahka nya mega, anak lelaki endang nyadi pungka laki rumah panjai. Sida diadang orang ketuai nyaga indu nembiak ari langgar munsuh, penyamun, penchuri lalu ari penusah bukai. Nya alai kelia, anak lelaki endang nadai dipeda sesegau sebelah bilik tauka sadau.
Nyadi anak indu mega diajar siru dalam semua atur pendiau sida. Sida diajar ini seduai indai sida siri enggau igi asi, padi enggau macham pemakai ti datai ari asi. Nambahka nya sida diajar bejimat enggau kain baju. Gari ti dikena endang enda tau enda sepematut enggau pengawa, baka gari kena turun, diau enggau ngabang. Enti temuai datai ke sama indu datai, iya diajar siru bejaku enggau diri sama diri. Kelimpah ari nya sida diajar siru enggau reta pesaka. Sida mega diajar enggau bendar chara meresi ruang bilik. Semua apuk, uras enggau utai kamah mesti dibuai.
Kenyau ari turun menurun, Iban manah bendar basa lebuh bejalai mansa mua orang. Sida enda tau lejah-lejah bejalai tang nyurungka jari ngagai pah ngena jaku baka tu, 'ngadang dulu, aku mansa mua nuan tauka kita'. Enti bisi temuai datai tauka mansa pengkalan tauka kaki tangga, temuai nya dibai niki ke rumah. Temuai nya dilalu duduk sereta dirandau orang ke empu rumah. Baka sarang pinang lalu disediaka, awakka temuai ngilum pinang.
Enti nembiak nitihka orang tuai pegi, sida iya enda manah sekali-kali enggai ngeluan tauka ngemudika perau. Lebuh perau udah sangkai, iya ke ngeluanka perau lalu nerejunka diri nanchang tali perau. Lebuh bebantai enti barang nadai mayuh, orang ke biak endang enda mai orang ke tuai mai utai. Kebuah semua pengawa tu dikereja laban dekaka nama enggau empu basa ti manah.
Kenyau ari kelia, bansa Iban endang bebasa bendar ke orang ti megai rumah, megai umai taun enggau megai menua. Enti bisi pengawa tauka penusah nuntung, runding sida deka ditanya enggau didingaka.
Ketegal ubah pemansang sekeda ari basa tu nyau kurang agi dikemeranka orang Iban. Taja pia, nembiak rebak baru patut bendar neladan orang tuai dalam jalai basa. Adat basa tu tau nyadika teladan sida lebuh begulai enggau orang bukai jemah ke ila.
(Dibali ari Bup Teks B. Iban T.2, DBP; Karang Benedict Sandin, 1966. Tusun Pendiau. Kuching. Borneo Literature Bureau)

Comments

Post a Comment

Popular posts from this blog

Bincangkan sistem pemerintahan beraja yang diamalkan sebelum kedatangan Barat di Asia Tenggara dan Asia Timur.

Pelajar perlu membincangkan institusi pemerintahan beraja seperti kedudukan dan peranan pemerintah sebelum kedatangan Barat. Perbincangan harus mengemukakan beberapa contoh negara di Asia Tenggara dan Asia Timur. Soalan ini bebentuk perbincangan. Pengenalan Menjelang abad ke-19 hampr semua negara di Asia Tenggara, Asia Selatan, dan Asia Timur mengamalkan institusi pemerintahan beraja. Di kebanyakan negara, institusi beraja itu berlanjutan sehingga Perang Dunia Kedua. Berdasarkan institusi tersebut raja mempunyai kedudukan yang mantap dan kukuh. Sistem pemerintahan ini adalah gabungan daripada sistem tempatan dengan campuran pengaruh agama Hindu-Buddha dan Islam. Manakala sistem pemerintahan di Jepun dipengaruhi fahaman Shintoisme. Isi-isi (a) Institusi Beraja Sebelum Kedatangan Barat - Kebanyakan negeri-negeri di Asia Tenggara, Asia Selatan, dan Asia Timur mengamalkan sistem feudal dari segi politik, ekonomi dan sosial. - Sistem pemerintahan terdiri daripada dua golongan iaitu golonga...
Post a Comment
Read more

Sejarah Malaysia Tema 2

Tema 2 : Konsep Peluasan Kuasa Asing Pengenalan Istilah peluasan kuasa asing sebenarnya hanya akan muncul apabila sekurang-kurangnya terdapat dua kuasa pentadbiran atau kerajaan dengan salah satu kuasa itu memasuki hal-hal pentadbiran atau mencampuri, menguasai hak pemerintahan satu kuasa lagi. Selalunya juga, peluasan kuasa ini merujuk kepada aspek politik pentadbiran dan bukan merujuk khusus kepada aspek-aspek perdagangan kerana ia melibatkan sial kedaulatan pemerintahan sesebuah negara atau kerajaan. Latar belakang peluasan kuasa asing 1. Tanah Melayu Selalunya, peluasan kuasa asing di Tanah Melayu sering kali merujuk kepada kehadiran kuasa-kuasa barat seperti Portugis, Belanda, British dan Jepun. Peluasan kuasa ini boleh berlaku sama ada melalui penaklukan mahupun melalui perjanjian-perjanjian yang ditandatangani. Semenjak awal abad ke-16, Melaka telah ditawan oleh kuasa Portugis. Penawanan ini bermakna penguasaan kuasa asing Portugis terhadap hal-hal pentadbiran orang Melayu di sa...
Post a Comment
Read more