Obesiti Ketegal Pemakai
Kitai selalu bendar berandau pasal pemakai. Pemakai diri sebilik. Ngiga pemakai. Tiap-tiap hari kitai mesti makai. Enti enda makai kitai parai. Enti kurang makai kitai enda pengerai. Kitai idup ukai deka makai tang kitai makai ketegal deka idup sereta gerai nyamai. Di dunya tu mayuh mensia teberuran ketegal nadai pemakai. Mensia mega selalu beperang laban berebutka pemakai.
Mensia mega selalu mikirka deka majuh utai nyamai. Tang jarang bendar mensia mikirka pengerai ti bisi besangkut paut enggau pemakai. Jarang mega mensia mikirka penyakit ti datai ari pemakai. Enti mensia kurang pemakai penyakit udu deka datai, kelalu mayuh makai mega ngujungka mensia kelalu gemuk lalu enda bepengerai.
Obesiti nya siti ari penusah ti datai ari pemakai ti ngundan kelalu mayuh lemak tauka kolesterol. Lelaki ke kelalu gemuk mudah bendar kena penyakit kanser kolon, rektrum enggau prostat. Indu ke gumuk mega suah dirampit kanser sarang kemi, dada, uterus, serviks enggau ovari. Penyakit bukai ke bisi besangkut paut enggau obesiti iya nya diabetes, darah tinggi enggau penyakit jantung.
Pemakai ke patut diempa kitai tiap-tiap hari mesti ngundan karbohaidrat, protein, vitamin enggau mineral. Karbohaidrat meri tenaga ti diguna tubuh kitai mensia maya kita gawa tauka bemain. Iya datai ari asi, ruti enggau kachang. Pemakai tu tau diempa mayuh kelebih agi enti orangnya kuat gawa tauka udu bemain, awak ke sida tu enda kurang tenaga.
Vitamin tu nutrien organik ti beguna amat ba sistem penumbuh tubuh sereta nyaga tubuh kitai mensia ari mayuh leman penyakit. Sekeda vitamin ti ulih ari pemakai iya nya Vitamin A, Vitamin B12, Vitamin C, Vitamin D, Vitamin E, Vitamin K etb. Tubuh kitai bulih vitamin di atas nya ari mayuh leman pemakai ari sumber jelu, ikan enggau utai tumbuh. Vitamin A enggau Vitamin C ulih diambi ari sayur enggau buah. Buah enggau sayur mega tau diempa kitai mayuh agi ari pemakai bukai.
Protein beguna amat ba penumbuh sel tauka tisu tubuh baka isi, urat, kulit, buk enggau kukut kitai. Tubuh kitai mega begunaka protein dikena nganti sel enggau tisu ti rusak. Kelimpah ari nya protein mega beguna ba tubuh mensia dikena ngasilka enzim, antibodi enggau hormon. Enzim beguna ba sistem guna darah, isi, urat sereta sel tubuh. Antibodi iya nya molekul protein ti ulih lela dalam darah dikena nyaga tubuh kitai ari rampit penyakit. Hormon mega diguna dikena ngatur pejalai sistem biokimia dalam tubuh kitai. Enti enda chukup hormon tubuh kitai mudah rusak sereta ulih dirampit mayuh macham penyakit. Sekeda pemakai ti ngundan protein iya nya semua dagin jelu tauka ikan, telu, tusu enggau kachang soya. Pemakai tu enda tau diempa kelalu mayuh laban iya bisi ngundan kolesterol ti ulih ngenataika mayuh macham penyakit ngagai tubuh kitai mensia.
Sekeda agi pemakai ti enda tau diempa mayuh iya nya pemakai ti ngundan lemak, minyak enggau gula baka kulit sereta gemu jelu, santan, pemakai beminyak sereta manis. Pemakai tu ngasuh kitai kelalu gemuk lalu enda bepengerai. Pemakai ti kelalu mayuh ngundan nitrium tauka garam mega enda tau diempa mayuh. Pemakai nya tadi enti kelalu mayuh ba tubuh kita tau ngenataika risiko penyakit tinggi darah, diabetes enggau penyakit tungkul ati.
Sebengkah agi nutrien pemakai ti beguna ba tubuh kitai iya nya mineral baka kalsium, klorin, magnesium, fosferus, kalium, natrium sulfur enggau ti bukai. Kalsium ngasuh tulang enggau ngeli kuat sereta teguh. Ferum hemoglobin ngangkut oksijen sereta meri chura merah dalam darah. Mineral ti bukai sama beguna dikena nimbang sistem pejalai ai dalam tubuh mensia.
Kena ngurangka risiko rampit macham-macham penyakit, doktor ngasuh kitai mensia patut nyaga pemakai. Empa meh mayuh macham bansa pemakai. Anang mega sengapa empa. Anang mega baka nyawa baya lalu enda mikirka nama nutrien ke diundan pemakai ke diempa tauka diirup kitai nya. Jaga pemakai, jaga meh tubuh kitai ambika gayu guru geri nyamai.
Mensia mega selalu mikirka deka majuh utai nyamai. Tang jarang bendar mensia mikirka pengerai ti bisi besangkut paut enggau pemakai. Jarang mega mensia mikirka penyakit ti datai ari pemakai. Enti mensia kurang pemakai penyakit udu deka datai, kelalu mayuh makai mega ngujungka mensia kelalu gemuk lalu enda bepengerai.
Obesiti nya siti ari penusah ti datai ari pemakai ti ngundan kelalu mayuh lemak tauka kolesterol. Lelaki ke kelalu gemuk mudah bendar kena penyakit kanser kolon, rektrum enggau prostat. Indu ke gumuk mega suah dirampit kanser sarang kemi, dada, uterus, serviks enggau ovari. Penyakit bukai ke bisi besangkut paut enggau obesiti iya nya diabetes, darah tinggi enggau penyakit jantung.
Pemakai ke patut diempa kitai tiap-tiap hari mesti ngundan karbohaidrat, protein, vitamin enggau mineral. Karbohaidrat meri tenaga ti diguna tubuh kitai mensia maya kita gawa tauka bemain. Iya datai ari asi, ruti enggau kachang. Pemakai tu tau diempa mayuh kelebih agi enti orangnya kuat gawa tauka udu bemain, awak ke sida tu enda kurang tenaga.
Vitamin tu nutrien organik ti beguna amat ba sistem penumbuh tubuh sereta nyaga tubuh kitai mensia ari mayuh leman penyakit. Sekeda vitamin ti ulih ari pemakai iya nya Vitamin A, Vitamin B12, Vitamin C, Vitamin D, Vitamin E, Vitamin K etb. Tubuh kitai bulih vitamin di atas nya ari mayuh leman pemakai ari sumber jelu, ikan enggau utai tumbuh. Vitamin A enggau Vitamin C ulih diambi ari sayur enggau buah. Buah enggau sayur mega tau diempa kitai mayuh agi ari pemakai bukai.
Protein beguna amat ba penumbuh sel tauka tisu tubuh baka isi, urat, kulit, buk enggau kukut kitai. Tubuh kitai mega begunaka protein dikena nganti sel enggau tisu ti rusak. Kelimpah ari nya protein mega beguna ba tubuh mensia dikena ngasilka enzim, antibodi enggau hormon. Enzim beguna ba sistem guna darah, isi, urat sereta sel tubuh. Antibodi iya nya molekul protein ti ulih lela dalam darah dikena nyaga tubuh kitai ari rampit penyakit. Hormon mega diguna dikena ngatur pejalai sistem biokimia dalam tubuh kitai. Enti enda chukup hormon tubuh kitai mudah rusak sereta ulih dirampit mayuh macham penyakit. Sekeda pemakai ti ngundan protein iya nya semua dagin jelu tauka ikan, telu, tusu enggau kachang soya. Pemakai tu enda tau diempa kelalu mayuh laban iya bisi ngundan kolesterol ti ulih ngenataika mayuh macham penyakit ngagai tubuh kitai mensia.
Sekeda agi pemakai ti enda tau diempa mayuh iya nya pemakai ti ngundan lemak, minyak enggau gula baka kulit sereta gemu jelu, santan, pemakai beminyak sereta manis. Pemakai tu ngasuh kitai kelalu gemuk lalu enda bepengerai. Pemakai ti kelalu mayuh ngundan nitrium tauka garam mega enda tau diempa mayuh. Pemakai nya tadi enti kelalu mayuh ba tubuh kita tau ngenataika risiko penyakit tinggi darah, diabetes enggau penyakit tungkul ati.
Sebengkah agi nutrien pemakai ti beguna ba tubuh kitai iya nya mineral baka kalsium, klorin, magnesium, fosferus, kalium, natrium sulfur enggau ti bukai. Kalsium ngasuh tulang enggau ngeli kuat sereta teguh. Ferum hemoglobin ngangkut oksijen sereta meri chura merah dalam darah. Mineral ti bukai sama beguna dikena nimbang sistem pejalai ai dalam tubuh mensia.
Kena ngurangka risiko rampit macham-macham penyakit, doktor ngasuh kitai mensia patut nyaga pemakai. Empa meh mayuh macham bansa pemakai. Anang mega sengapa empa. Anang mega baka nyawa baya lalu enda mikirka nama nutrien ke diundan pemakai ke diempa tauka diirup kitai nya. Jaga pemakai, jaga meh tubuh kitai ambika gayu guru geri nyamai.
Comments
Post a Comment